Llogari pagese me shërbime bazike për kategori të konsumatorëve të cenueshëm

Bazuar në Rregulloren për qasjen në llogari pagese me shërbime bazike të BQK-së (Banka Qendrore e Kosovës) NLB Banka ofron Llogari pagese me shërbime bazike pa pagesë, për kategoritë e konsumatorëve që i përkasin grupit të konsumatorëve të cenueshëm që përfitojnë nga të drejtat e parashikuara me legjislacionin që rregullon pensionet dhe asistencën sociale në Republikën e Kosovës, të konfirmuar nga Ministria e Financave, Punës dhe Transfereve (apo ministria pasardhëse).

• Hapja, mirëmbajtja dhe mbyllja e llogarisë ,
• Kartelë debitore,
• Deponimet në Sportel, Bankomatë (ATM) në objektet e bankës, Bankomatë (ATM) jashtë objekteve të bankës ,
• Tërheqjet në Sportel, Bankomatë (ATM) në objektet e bankës, Bankomatë (ATM) jashtë objekteve të bankës ,
• Debitimi Direkt,
• Transaksionet e pagesave përmes kartelave në POS ose online (e-commerce),
• Transferet e kreditit brenda bankës në Sportel, ebanking/m-banking, Bankomatë (ATM) në objektet e bankës, Bankomatë (ATM) jashtë objekteve të bankës,
• Bilanci i llogarisë përmes postës elektronike apo i shtypur (një herë në muaj).

Klientët, përveç shërbimeve bazike të përcaktuara për tu realizuar përmes llogarisë së pagesës me shërbime bazike, mund të kryejnë edhe shërbimet e tjera sipas çmimorës standarde të bankës.

Mirëmbajtja mujore e llogarisë: pa pagesë.

Grup i klientëve të cenueshëm konsiderohen grupet që përfitojnë:

• Pensione:
  • Pensioni bazë;
  • Pensioni kontribut pagues;
  • Pensioni për persona me aftësi të kufizuar të rritur;
  • Pensioni për persona me aftësi të kufizuar paraplegjik dhe tetraplegjik;
  • Pensioni për persona me aftësi të kufizuar – fëmijë;
  • Pensionet e parakohshme të kompleksit Trepça;
  • Pensionet i pjesëtareve të TMK-së;
  • Pensioni i forcës së sigurisë FSK-së;
  • Kompensimi për të verbër;
  • Pensioni familjar;
  • Pensioni i invalidëve të punës;
  • Pensioni i familjareve të dëshmoreve;
  • Pensioni i invalidëve të luftës;
  • Pensioni i viktimave civileve;
  • Pensioni i invalidëve civil;
  • Pensioni i të zhdukurve të luftës;
  • Pensioni i veteranit luftëtar të UÇK-së;
• Ndihma sociale;
• Grupet tjera të cenueshme që mund të parashihen me legjislacion në Republikën e Kosovës; të konfirmuara nga Ministria e Financave, Punës dhe Transfereve (apo ministria pasardhëse)

Për më shumë informata: https://bqk-kos.org/wp-content/uploads/2022/12/Rregullore-per-qasje-ne-llogari-pagese-me-sherbime-bazike-.pdf