Dritarja Start-Up në bashkëpunim me Fondin Kosovar për Garanci Kreditore

Dritarja e Start-up i dedikohet bizneseve start-up të angazhuara kryesisht në aktivitete/sektorë ekonomikë që kërkojnë njohuri bazë. Njohuritë bazë i referohen aftësive që krijohen përmes një arsimimi, trajnimi ose përvojë pune të mëparshme.

Kjo dritare ofrohet me kushte të favorshme për sa i përket riskut të kredisë, për të rritur besimin e Institucioneve të Regjistruara Financiare në kreditimin e këtij segmenti të rëndësishëm të tregut, i cili përmes mbështetjes financiare, do të sigurojë pozicionim në treg, zgjërim në tregjet ndërkombëtare, gjenerim të punësimit si dhe mbështetje të zhvillimit ekonomik të vendit tonë.

E veçanta e kësaj dritare është se përpos komponentit financiare do të ofrojë edhe komponentin jofinanciare ose programin e asistencës teknike për bizneset e reja, të cilat do të mbështeten në aspektin:

• E ngritjes së kapaciteteve (edukimi financiar dhe formalizimi);
• Rrjetëzimit, si dhe
• Mentorimit.

Parametrat për NMVM-të që kualifikohen për financim nën garanci përfshijnë, por pa u kufizuar në këto në vijim:

• NMVM-të në pronësi private, pa asnjë pronësi të Qeverisë gjatë periudhës së mbulimit të kredisë nga garancioni,
• NMVM-të që kanë regjistrim të biznesit ,
• NMVM-të me përvojë nga dita e parë e regjistrimit deri në 12 muaj eksperiencë,
• Një huamarrës/biznes i kualifikuar duhet të jetë në pronësi  të paktën  i  një qytetari privat ose banori të  përhershëm  të Kosovës,
• NMVM–të  që kanë më pak se 250 punonjës.

Kreditë e Kualifikuara që plotësojnë kriteret e mëposhtme do të jenë të pranueshme për përfitimet e Dritares Start-Up:

• Shuma maksimale e kredisë është 100,000 EUR,
• Shuma maksimale e garancisë është 80,000 EUR,
• Afati maksimal i kthimit të kredisë së garantuar deri 84 muaj,
• Qëllimi i kredisë mund të jetë për investime afatgjata si dhe për kapital punues,

• Garancitë do të ofrohen për shumën deri në 80% të kryegjësë së kredisë,
• Kufiri maksimal i humbjes do të jetë 30%,
• Tipi i garancisë: Revolvues,

Për NMVM-të  

• Rritje e qasjes në financa,
• Kushte më të favorshme për ndërmarrësit që do të vijojnë trajnimin e ofruar nga FKGK,
• Potencialisht norma preferenciale të interesit,
• Reduktim i kolateralit,
• Kohë më e shpejtë e përpunimit të kërkesave për kredi,
• Qëndrueshmëri e biznesit,

• Huamarrësi potencial nuk aplikon për garanci në FKGK, por aplikon për kredi në njërën nga Institucionet e Regjistruara Financiare të FKGK-së,
• Banka pasi që të kryen analizat e zakonshme të kredisë duke zbatuar standardet e miratimit dhe nëse biznesi i plotëson kriteret e FKGK-së atëherë Banka do e vendosë kredinë nën garancinë kreditore të FKGK-së.