Apple Pay

NLB Banka me krenari prezanton Apple Pay për klientët e saj në Kosovë! Kjo është një mënyrë e re, e lehtë dhe jashtëzakonisht e sigurt për të kryer pagesa me pajisjet tuaja Apple: iPhone, Apple Watch, iPad, Mac dhe Apple Vision Pro. Ne jemi të përkushtuar të sjellim inovacionin digjital dhe vlerën e jashtëzakonshme te klientët tanë, duke e bërë menaxhimin e financave tuaja më të thjeshtë dhe më të besueshëm – në çdo kohë, kudo.

Apple Pay e bën procesin e pagesës të shpejtë dhe pa probleme, si në dyqane fizike, ashtu edhe brenda aplikacioneve apo online.

• Pagesat në Dyqane: Thjesht kliko butonin anësor, identifikohu (me Face ID ose Touch ID) dhe mbaj iPhone-in ose Apple Watch-in tuaj pranë terminalit të pagesës pa kontakt. Çdo blerje është e sigurt dhe e konfirmuar me një kod unik dinamik sigurie. Apple Pay pranohet në supermarketet, farmacitë, restorantet, kafiteritë, dyqanet dhe në shumë vende të tjera që pranojnë pagesa pa kontakt.
• Pagesat Online dhe në Aplikacione: Përdorni Apple Pay në iPhone, iPad, Mac dhe Apple Vision Pro për të bërë blerje më të shpejta dhe më të përshtatshme në aplikacione ose në internet. Nuk keni nevojë të krijoni llogari apo të shkruani vazhdimisht informacione kontakti, detaje karte apo informacione transporti dhe faturimi.

Me Apple Pay, siguria dhe privatësia juaj janë prioriteti kryesor.

• Kur përdorni një kartë krediti ose debiti me Apple Pay, numrat aktualë të kartës nuk ruhen në pajisjen tuaj, as në serverat e Apple.
• Në vend të kësaj, një Numër Unik i Llogarisë së Pajisjes krijohet, shifrohet dhe ruhet në mënyrë të sigurt në "Secure Element" – një çip i certifikuar, standard i industrisë, i projektuar për të ruajtur informacionin e pagesës në mënyrë të sigurt në pajisje.

Kjo siguron që transaksionet tuaja të jenë gjithmonë të mbrojtura.

Ju mund ta shtoni kartelën tuaj të NLB Bankës në Apple Wallet edhe drejtpërdrejt nga aplikacioni NLB Pay. Thjesht shkarkoni dhe logohuni në aplikacionin NLB Pay nga App Store. Pasi të hyni, do t'ju shfaqet një dritare (pop-up) që ju lejon të shtoni kartelën tuaj në Apple Wallet.

Shkarkoni NLB Pay këtu:

Shikoni videon më poshtë se si ta shtoni kartelën tuaj NLB në Apple Wallet pçrmes NLB Pay:

Konfigurimi i Apple Pay është jashtëzakonisht i thjeshtë:

1. Në iPhone-in tuaj, thjesht hapni aplikacionin Wallet.
2. Prekni simbolin '+' në këndin e sipërm djathtas.
3. Ndiqni hapat për të shtuar kartat tuaja të kreditit ose debitit të NLB Bankës.

Pasi të keni shtuar një kartelë në iPhone, Apple Watch, iPad, Mac dhe Apple Vision Pro, mund të filloni të përdorni Apple Pay menjëherë në atë pajisje. Ju do të vazhdoni të merrni të gjitha shpërblimet dhe përfitimet që ofrohen nga kartat tuaja të NLB Bankës.