Procesi i privatizimit të NLB Grup-ës ka përfunduar me sukses

Kemi kënaqësinë të ju informojmë se procesi i privatizimit të NLB Grup-ës përfundoi me sukses në përputhje me marrëveshjen ndërmjet Republikës së Sllovenisë dhe Komisionit Evropian.

Pas përfundimit me sukses të fazës së parë të procesit të privatizimit, e cila u përfundua në nëntor  të vitit 2018 duke listuar 65% të kapitalit aksionar të bankës në bursen e Lubjanës dhe të Londrës, Republika e Sllovenisë të martën, më 18 qershor filloi shitjen 10% të kapitalit aksionar shtesë minus një aksion.

Shitja në formë të përshpejtuar të regjistrimit të investitorëve institucionalë ka përfunduar me sukses të njëjtën ditë me çmim të akcionit prej 54,75 Eur dhe cmimin e instrumenteve GDR të NLB aksioneve me cmim prej 10,95 Eur. Me këtë fitimi bruto nga shitja e NLB është rritur për 109,5 milion Eur.

Me anë të këtij transaksioni në strukturën e pronësisë të NLB-ës kanë hyrë investitorët institucional ndërkombëtarë të kualitetit të lartë, duke mundësuar bazë të mirë për qëndrueshmëri dhe zhvillim të mëtejshëm në të ardhmen. Për më shumë mund të lexoni këtu.

Me shitjen e 10% të akcioneve të mbëtura minus 1, pushuan pothuajse të gjitha kufizimet për të cilat Republika e Sllovenisë është zotuar te Komisioni Evropian me rastin e dhënjës së ndihmës shtetërore në vitin 2013.

“Më në fund do të kemi mundësinë të punojmë duke shfrytëzuar tërë potencialin tonë , si në Slloveni  ashtu dhe në të gjitha tregjet e Evropës Juglindore, si dhe të përballemi me sfidat në baza të njëjta me konkurrencën. NLB përsëri do të ketë mundësinë të ofrojë lizingun dhe faktoringun më intensivisht dhe pa kufizime, të investojë në digjitalizim, zhvillimin e kanaleve të reja të komunikimit si dhe ngritjen e nivelit të përvojës së përdoruesve. Kur në fillim të vitit 2020 të ketë pushuar ndalesa për bashkimet dhe blerjet, NLB si ekspert rajonal do të angazhohet në mënyrë aktive në gjetjen e mundësive për forcimin e pozitës në të gjitha tregjet në të cilat ne operojmë “, ka thënë Blaž Brodnjak, Kryetar i Bordit Drejtues dhe CEO me rastin e përfundimit të suksesshëm të procesit të privatizimit të NLB Grup-ës.