KONKURS PËR PUNË

NLB Banka sh. a., me seli në Prishtinë, shpall

KONKURS 

për zgjedhjen e kandidatëve për vendet e punës

• Zyrtar i lartë për MIS në Divizionin për Financa (një vend pune)
• Zyrtar për POS dhe Kartela në Sektorin për Kartela dhe E-banking (një vend pune)

I. Zyrtar i lartë për MIS 

KUALIFIKIMET DHE AFTËSITË E KËRKUARA

• Diplomë universitare në shkenca kompjuterike, sisteme të informacionit ose lëmi të ngjashme;
• Njohuri në MS SQL Server; përgatitjen e SQL query dhe procedurave për nxjerrjen e të dhënave, duke siguruar saktësi, përpikëri dhe qëndrueshmëri të të dhënave;
• Njohuri në integrime të shënimeve në mes platformave të ndryshme, duke siguruar kualitetin e re dhënave ne platforma te ndryshme;
• Së paku 2 vite përvojë pune, në punët dhe detyrat e ngjashme me përshkrimin e detyrave për këtë vend të punës;
• Njohuri në krijimin e “data seteve” dhe “data marts” për data bazën analitike dhe të raportimit;
• Njohuri në analizë dhe dizajnimin e kërkesave të biznesit;
• Njohuri në përdorimin e ndonjërës nga veglat e raportimit “BI Tools”, e preferuar Power BI;
• Atësi të mira komunikuese, ndër-personale, analitike dhe të zgjidhjes së problemeve;
• Njohja e obligueshme e gjuhës angleze.

PËRSHKRIMI I DETYRAVE KRYESORE TË VENDIT TË PUNËS

• Të analizoj dhe krijoj raporte të ndryshme për nevojat e Bankës;
• Të vlerësoj procesin e grumbullimit të shënimeve dhe integritetin e shënimeve për të gjitha të dhënat hyrëse që paraqiten në raporte;
• Të analizoj, dokumentoj dhe mirëmbaj proceset e biznesit dhe rrjedhën e të dhënave;
• Menaxhoj projekte të veçanta që kanë të bëjnë me raportim;
• Të mbështesë linjat afariste në definimin e kërkesave afatshkurta dhe afatgjata;
• Krijoj procedura dhe funksione në bazën e të dhënave për nxjerrjen e të dhënave që shfrytëzohen për raportim;
• Ekstrakton të dhënat nga sistemet ekzistuese dhe të arkivave sipas kërkesës se biznesit;
• Përkrahja dhe zgjidhja e problemeve të shfrytëzueseve të sistemit me rastin e punës së tyre të përditshme;
• Sipas kërkesës të udhëheqësit të drejtpërdrejt kryen edhe punë dhe detyra të tjera nga fushëveprimi i vendit të punës.

II. Zyrtar për POS dhe Kartela 

KUALIFIKIMET DHE AFTËSITË E KËRKUARA

• Diplomë universiteti në fushën e ekonomisë, menaxhimit, administrimit të biznesit ose lëmi të ngjashme;
• Së paku 1 vit përvojë pune në institucione financiare bankare;
• Shkathtësi të shkëlqyeshme komunikuese dhe ndër- personale
• T’i njohë gjuhët zyrtare në Kosovë dhe njëkohësisht e obligueshme njohja e gjuhës angleze;
• Njohuri të avancuara të Microsoft Office;
• Obligohet patentë shoferi “.B”

PËRSHKRIMI I DETYRAVE TË VENDIT TË PUNËS

• Krijimi i një sistemi të vazhdueshëm për monitorimin dhe analizimin e transaksioneve me kartela dhe të tregtarëve, duke identifikuar tendencat dhe anomalitë në aktivitete për të siguruar integritetin e operacioneve financiare;
• Pranimi, dërgimi dhe autorizimi i procedurave të “chargeback”-eve, duke siguruar një reagim të shpejtë dhe efikas ndaj kërkesave për rikthim të fondeve dhe duke mbështetur procesin e kontestimeve;
• Komunikimi i rregullt me qendrën procesuese, VISA dhe MasterCard për zgjidhjen e çështjeve teknike dhe përmirësimin e operacioneve me Kartela dhe POS, duke ndihmuar në optimizimin e shërbimeve;
• Mirëmbajtja dhe testimi i produkteve dhe shërbimeve ekzistuese dhe të reja, duke koordinuar zhvillimet e reja në modulin CMS me Divizionin e IT-së dhe zhvilluesit e sistemit ASSECO dhe BANKART;
• Sigurimi i përputhshmërisë së dokumentacionit të pranuar nga tregtarët me kërkesat e Bankës, duke garantuar që marrëveshjet janë të nënshkruara dhe të vulosura;
• Aplikimi i njohurive të kliringut dhe shlyerjes së skemave të kartelave për të siguruar një përpunim të saktë dhe efikas të transaksioneve;
• Përgatitja e raporteve relevante të MIS për ofrimin e statistikave mbi tregtarët dhe kartelat, si dhe analiza e të dhënave për të mbështetur vendimmarrjen strategjike të menaxhmentit të Bankës;
• Ofrimi i trajnimeve dhe mbështetjes për stafin dhe tregtarët në lidhje me përdorimin e sistemeve dhe shërbimeve, duke rritur nivelin e njohurive dhe efikasitetit në operacione;
• Kryerja e punëve dhe detyrave të tjera sipas kërkesës së udhëheqësit të drejtpërdrejt, duke kontribuar në përmirësimin e proceseve dhe shërbimeve brenda sektorit.

Aplikacioni duhet të plotësohet direkt në web faqen e Bankës, deri më datën 1 shkurt 2025. Me rastin e plotësimit të aplikacionit duhet t’i bashkëngjitet edhe kopja e diplomës së kualifikimit dhe CV-ja.

Apliko këtu