KONKURS PËR PUNË

NLB Banka sh. a., me seli në Prishtinë, rishpall

KONKURS

PËR ZGJEDHJEN E KANDIDATIT PËR VENDIN E PUNËS:

Drejtor i Filialit të Bankës në Gjakovë (një vend pune)

KUALIFIKIMET DHE AFTËSITË E KËRKUARA

• Diplomë universitare në lëmin e ekonomisë, financave, kontabilitetit, administrimit të biznesit ose lëmi të ngjashme;
• Obligohet përvojë pune në shërbimet bankare së paku 5 vjet prej tyre 3 vjet përvoje pune në menaxhim;
• Njohuri të mirë të proceseve në bankë dhe financave;
• Aftësi të mira të komunikimit dhe të menaxhimit;
• Obligohet njohja e gjuhës angleze;
• Obligohet posedimi i patentë shoferit të kategorisë “ B”.

PËRSHKRIMI I DETYRAVE TË VENDIT TË PUNËS

• Udhëheqja, shitja, raporti me palët, të punësuarit dhe administrimi i filialit në nivel regjional;
• Është përgjegjës për realizimin e planeve të caktuara të shitjes sipas objektivave;
• Udhëheq njësinë punuese dhe kujdeset për organizimin dhe koordinimin e proceseve të punës;
• Përpilon planin e biznesit të filialit dhe kujdeset për realizimin e tij;
• Përcjellja dhe kujdesi për depozitat e klientëve dhe kontakti me depozitarët e Bankës dhe me ata potencial;
• Përcjellja e realizimit të planit të lejimit të kredive dhe kthimit të të gjitha llojeve të kredive, përcjellja dhe analiza e afarizmit të komitentëve;
• Promovimi dhe shitja aktive e produkteve dhe shërbimeve bankare dhe kanaleve bashkëkohore (kartela, e-klik, etj);
• Promovon dhe monitoron shkallën e digjitalizimit në mënyrë pro-aktive në bazën e klientëve ekzistues dhe të rinj ne nivel të Filialit dhe Ekspoziturës. Vendosja e kontakteve me komitentët, si dhe përgatitja dhe zbatimi i takimeve afariste;
• Kujdeset dhe përcjell likuiditetin e filialit, bashkë me njësitë tjera në kuadër të filialit;
• Përgatitja e propozimeve për organet vendim-marrëse, si dhe vendosja në përputhje me autorizimet e deleguara;
• Stimulon stafin për vijimin e trajnimeve me anë të pjesëmarrjes online dhe fizike;
• Identifikimi i nevojave për punësuar të rinj dhe njoftimi i niveleve më të larta për këto nevoja;
• Hartimi i raporteve dhe informatave të tjera për funksionimin dhe punën e filialit;
• Raporton drejtpërdrejt te drejtori i divizionit për punë me qytetarë si dhe te Bordi Udhëheqës i Bankës;
• Kryerja e punëve dhe detyrave të tjera që i besohen nga eprori i drejtpërdrejtë dhe Bordi Udhëheqës i Bankës.

Aplikacioni duhet të plotësohet direkt në web faqen e Bankës https://nlb-kos.com/aplikacioni-pune, deri më 7 gusht 2025. Me rastin e plotësimit të aplikacionit duhet t’i bashkëngjitet kopja e diplomës së kualifikimit si dhe CV-ja.